-बबि शाह
यो जुनीमा तिमीसंग
भेट्न मात्र लेख्या रै’छ
अरुले नै देख्नु पर्ने
सपना मैले देख्या रै’छ ।
धैरै होलान् तिमीलाई
मन पराई रोज्नेहरु
कति होलान् पखाईमै
माया पाउँन खोज्नेहरु ।
न यता न उताको म
राम्रो भन्नु नत क्यै छ,
अरुले नै देख्नु पर्ने
सपना मैले देख्या रै’छ ।
कल्पनाको महल बनाई
सकिदैंन बस्न धेरै
नपाईने कुराको चाह
गर्नु सायद भूल हो मेरै
मेरो मनले तिमीलाई
आफ्नै भनि सोच्या रै’छ
अरुले नै देख्नु पर्ने
सपना मैले देख्या रै’छ ।
मण्डनदेउपुर–१, हलेदेँ काभ्रे ।
