मंसिर २३,
काठमाडौं । गायक भिम श्रेष्ठको नयाँ गीत ‘माझी दाई’को भिडियो सार्वजनिक भएसँगै चर्चा सुरु भएको छ । नेपाल आइडलबाट चर्चा कमाएकी लोकप्रिय गायिका अस्मिता अधिकारी र भिमको स्वर रहेको गीतका शब्द शृजना फराज अर्पणका हुन् । प्रेम रोमान्सका दृश्यहरु देखाइएको भिडियोमा लाहुरे युवकले आँफु एक्लो भएको कुरा सांकेतिक तरिकाले युवतीलाई राख्छन् । प्रेम, रोमान्स, माझीदाईले माछा मारिरहेका रमाइला दृश्य सहित वियोगान्त प्रेम कथाले भरिएको भिडियोमा गायक भिम र स्मृति श्रेष्ठको अभिनय रहेको छ ।
माझी दाईले खोलामा जालो हानेर हेरेर बसेकी कान्छीको फोटो खिच्दा नजिकिएकी युवतीसँग गरिएको रोमान्टिक कुराकानीलाई निर्देशक फराज अर्पणले गज्जबसँग प्रस्तुत गरेका छन् । भिडियोको छायांकन अनिल कटुवाल र फराज अर्पणको रहेको छ । फराज अर्पण र सतिज श्रेष्ठको सम्पादन रहेको गीतको एरेन्ज बिजेश्वर तण्डुकारले गरेका हुन् । राजेश्वर तण्डुकारको मिक्स मास्टरिगं रहेको गीतको भिडियोमा सतिज श्रेष्ठको कलर रहेको छ । सार्वजनिक भिडियोलाई गायक श्रेष्ठकै अफिसियल च्यानलबाट बजारमा ल्याइएको हो ।
