कार्तिक ११,
काठमाडौँ । मंसीर ६ बाट प्रदर्शन हुने चलचित्र च च हुई’को ट्रेलर सार्वजनिक भएको छ । एजी एल इन्टरटेनमेन्टको व्यानरमा निर्माण भएको, आर्यन सिग्देल,मिरुना मगर र भोला सापकोटा र माओत्से गुरुङको मुख्य भूमिका रहेको चलचित्र ‘च च हुई’को ट्रेलर सार्वजनिक भएको छ । दुई युवाको जीवनमा एउटा किताबले ल्याउने उतारचढावको कथा चलचित्रको ट्रेलरमा देख्न सकिन्छ ।
सार्वजनिक ट्रेलर आर्यनसँगै कलाकार भोलराज सापकोटा, मीरुना मगर र माओत्से गुरुङको वरिपरी घुम्छ । जीवनको पिङमा ‘च च हुई’ गरेर मच्चिन खोज्दा आउने अवस्थालाई सिनेमाले छर्लंग पार्ने निर्देशक तथा सम्पादक साम्तेन भुटियाले बताए ।
आर्यन,भोला र माओत्से गुरुङको भरपुर कमेडी ट्रेलर मा देख्न सकिन्छ र मीरुनालाई हिमाली भेगकी युवतीको रुपमा देख्न सकिन्छ । चलचित्रलाई अमृत घोले लामाले निर्माण गरेका छन् । सिजन दाहाल र संदेश अर्यालले लेखेको पटकथामा सुशन प्रजापतिले छायाँकन, श्री श्रेष्ठले द्वन्द्व, शिशिर खातीले कोरियोग्राफी र राजनराज सिवाकोटीररोशन थापाले संगीतको काम गरेका छन् ।
