काठमाडौँ । पाकिस्तानमा सोमबार देशभर बिजुली अवरुद्ध भएको छ । विद्युत अवरुद्ध भएको कारण पाकिस्तानका २२ करोड मानिसहरु प्रभावित भएका छन् । कराँची र लाहोरजस्ता सहरमा समेत विद्युतको प्रवाह ठप्प भएको छ ।
पाकिस्तानमा जटिल सञ्जालमार्फत् विद्युत वितरण हुने गरेको छ । विद्युत वितरण प्रणालीको एउटा ग्रिडमा समस्या उत्पन्न भएको खण्डमा यसबाट देशभर प्रभाव पार्ने बताइन्छ । पाकिस्तानमा तीन घण्टा लामो विद्युत अवरुद्ध विगत दुई वर्षमा दोस्रो पटक भएको हो । सोमबार बिहान ७ः३० बजे राष्ट्रिय ग्रिडमा त्रुटि आएको कारण यस प्रकार देशभर विद्युत अवरुद्ध भएको जनाइएको छ ।