ओली सरकारको ५ महिनाः कुरा धेरै, काम थोरै

166

साउन २८,
काठमाडौं । नेकपा नेतउत्वको दुई तिहाई बहुमतको वर्तमान केपी शर्मा ओली नेतृत्वको सरकारले ५ महिने कार्यकाल अलमलमा नै बितेको छ । प्रधानमन्त्री तथा मन्त्रिपरिषद् कार्यालयले ओली नेतृत्वको सरकारले ५ महिनामा गरेका काम समेटेर ७४ पृष्ठ लामो प्रगति प्रतिवेदन सार्वजनिक गरेको हो । सर्वसाधरण जनताले भने वर्तमान सरकारको कुरा धेरै काम थोरै गर्ने गरेको मुल्यांकन गरका छन् । ओली नेतृत्वको सरकारले प्रमुख सुन तस्करमाथि कारबाही, सार्वजनिक खर्चमा मितव्ययिता, सिण्डिकेटको अन्त्य, विकास निर्माणमा ढिलासुस्तीको अन्त्य, औचित्यहीन भ्रमण नियन्त्रणमा रोक लगायतका विषयलाई उपलब्धि भएको जनाएको छ ।

नारायणगढ मुग्लिन सडक स्तरोन्नती, सिमरा बर्दिबास रेलमार्गको ट्रयाकको ८० प्रतिशत काम, मुग्लिनमा त्रिशुली नदीमा आर्क्ब्रिज अन्तिम चरणमा पुग्नुलाई पनि सरकारले उपलब्धीमा राखेको छ । नागढुंगामा सुरुङ मार्ग निर्माण सरकारले आफ्नो उपलब्धी ठानेको छ । सरकारले ५ महिनामा ९० वटा तुइन विस्थापित गरेको जनाएको छ । भेरी बबई डाइभर्सनको ६ किलोमिटर सुरुङ निर्माण, काठमाडौं तराई फास्ट ट्रयाकमा १९ हजार रुख काटिनु, पेट्रोलियम पदार्थ भण्डारणका लागि नुवाकोटको बट्टार, तनहुँको आँबुखैरेनी, काभ्रेपलाञ्चोक र ललितपुरमा स्थान छनोटलाई पनि सरकारले उपलब्धी भनेको छ । डुवानको दीर्घकालीन समाधान, जलमार्गको स्थलगत अध्ययन, राजस्व संकलन, विकास खर्चमा वृद्धि लगायतलाई सरकारले आफ्नो उपलव्धिको सूचीमा राखेको छ । तर सरकारले धेरै कुरामा परिर्वतन भएको देखाएपनि जनताले भने खासै परिर्वतनको महशुस गर्न पाएका छैनन् । मुलुकका धेरै सडकहरुको अवस्था अत्यन्त कमजोर रहेका छन् । महंगीले जनतालाई दैनिक चलाउन सकस हुन थालेको छ । मन्त्रीहरुको पटक पटकको हर्कतले सामाजिक संञ्जालमा तिव्र विरोध मात्र होइन एकजनाले त राजिनामा समेत दिनु परेको छ ।