
विमान दुर्घटनामा ब्राजिलियन क्लब चेपेकोइन्सका अधिकांश खेलाडी तथा अधिकारीहरुको मृत्यु भएको छ । तर, एलन बाँचेका छन् । उद्धारमा खटिएका अधिकारीहरुका अनुसार यसमा एक १० वर्षे बालकले महत्वपूर्ण भूमिका खेलेका छन् ।
बालकले देखेपछि नै स्थानीयलाई खबर गरेका थिए, र उद्धारकर्तासम्म खबर पुग्यो । उद्धारकर्ता सान्टिएगोका अनुसार एलनले सुरुमा, मेरो परिवार, मेरो साथी… कहाँ छन् उनीहरु ? भन्ने प्रश्न गरेका थिए ।
एलनको अहिले उपचार भइरहेको छ । र, उनको स्वास्थ्य स्थिति स्थिर छ । डिफेण्डर हेलिओ नेटो र गोलकिपर ज्याक्सन फालम्यानको पनि जीवितै उद्धार गरिएको छ । र, उनीहरुको अवस्था अझै गम्भीर छ ।
विमान चालक दलका दुई सदस्यको पनि जीवितै उद्धार भएको छ । र, उनीहरुको खतरामुक्त रहेका छन् । चपेकोइन्सका गोलकिपर डानिलोको पनि जीवितै उद्धार भएको थियो । तर, उपचारका क्रममा निधन भएको छ ।