असार ३१,
काठमाडौं । फिल्म गीत गजलको पहिलो गीत सार्वजनिक गरिएको छ । भारतको गोवा र नेपालमा छायाँकन गरिएको छ कि छैन् तिमीलाई थाहा बोलको गीतमा मुख्य कलाकार रुप पोखरेल र आरोही सिंहलाई फिचर्ड छन् । गीत हेर्नुस् :
अर्जुन पोखरेलको शब्द तथा संगीत रहेको गीतमा अन्जु पन्त र सुरेश लामाको स्वर छ । आगामी असोज २४ गतेबाट प्रदर्शनको तयारीमा रहेको फिल्मको पहिलो गीतको भिडियोमा निर्देशक नितिन चन्दको कोरियोग्राफी हेर्न सकिन्छ । सार्वजनिक गीतलाई सुरेश काफ्लेले छायाँकन गरेका हुन् । यो फिल्मबाट नायक रुप पोखरेल र आरोही सिंहले नेपाली फिल्म क्षेत्रमा डेव्यु गर्दैछन् । दुबै फिल्मलाई लिएर निकै उत्साहित छन् । आरोहण प्रोडक्सनको ब्यानरमा निर्माण भएको फिल्म रश्मी भट्ट, विशाल पहाडी, ओम प्रतीक, आज्ञा करनजीत, सान्तवना भट्टराई, भिमा मैनाली बालकलाकार योगीशा खत्री, सुजल खानल लगायतका कलाकारको पनि अभिनय रहेको छ । आरोहण क्षेत्री निर्माता रहेको फिल्मका सह-निर्माता सुजन आचार्य हुन् ।
