जेठ ४,
डोटी । डोटीमा चट्टयाङ लागेर सात जना घाइते भएका छन्। जिल्लाको दिपायल सिलगढी नगरपालिका ७ पाँकरीको कोईरेलीमा बिहिबार मध्यराती घरमा चट्टयाङ्ग पर्दा उनिहरु घाइते भएका हुन्। घरमा सुतिरहेका प्रेम पार्की नमसरी पार्की, धौली पार्की कमली पार्की, धौली बिक, दिले पार्की र बिरमा पार्की घाइते भएको सिलगढी नगरपालिका ७ का अध्यक्ष कर्ण बिष्टले बताए। छ जनाको अवस्था समान्य रहेको भए पनि घाइते मध्ये नमसरी पार्कीको अवस्था गम्भिर रहेको बिष्टले बताए। चट्टयाङ्ग लागेर दुई चौपाया भैँसी र गोरु पनि मरेका छन्। बिहिबार मध्यराती हावाहुरीसँगै आएको चट्टयाङ्गबाट उक्त क्षति भएको जिल्ला प्रहरी कार्यालय डोटीका प्रहरी नायव उपरीक्षक हेरम्ब शर्माले बताए।
