चैत २४,
मकवानपुर मकवानपुर जिल्लाको भीमफेदीमा रहेको क्षेत्रीय कारागारमा कैदीबन्दीहरुबीच झडप भएको छ ।
विवादकै बीच कैदीबन्दीबीच हातहालाहालको अवस्था सिर्जना भएको जनाइएको छ । झडपमा कैदीबन्दी घाइते भएको नभएको थाहा हुन सकेको छैन । कैदबिन्दीबीच झडप भएपछि कारागारको सुरक्षा व्यवस्था कडा पारिएको जिप्रका मकवानपुरका प्रहरी प्रवक्ता (डीएसपी) यज्ञ प्रसाद भट्टराईले जानकारी दिए ।
स्रोतले जनाए आुसार आज बिहान कैदीबन्दीबीच झडप भएपनि कारण भने अहिलेसम्म बाहिर आउन सकेको छैन । बिहानैबाट कारागारमा रहेका दुई पक्षमा विभाजित कैदीबन्दीबीच विवाद भइरहेको छ । उनले झडप भएको र प्रहरी परिचालन गरिएको बताए । तर झडपमा कैदीबन्दी घाइते भएनभएको खुलाउन चाहेनन् । सुरक्षाका लागि जनपथ र सशस्त्र प्रहरी परिचालन गरिएको जनाइएको छ । प्रहरीले घटनालाई नियन्त्रणमा लिने प्रयास गरिरहेको जनाइएको छ । कारागारमा ९ सय जनाभन्दा बढी कैदीबन्दी रहेका छन् ।
