माघ २२,
काठमाडौँ , सुबिन भट्टराईको चर्चित उपन्यास ’समर लभ’मा आधारित यो फिल्मको प्रदर्शन मिति नजिकिँदै गर्दा निर्माण टिमले स्याड भर्सनको गीत सार्वजनिक गरेको छ । सार्वजनिक ’गुनासो छैन’ बोलको गीतको भिडियोलाई लिरिकल बनाइएको छ ।
गीतमा पुष्पन प्रधानको शब्द तथा संगीत समावेश छ भने भोकल र एरेञ्जमा रिकेश गुरुङ छन् । फिल्मका मुख्य पात्र आशिष पिया, रेवती क्षेत्रीसँगै सुरजसिंह ठकुरीलाई पनि गीतमा फिचर गरिएको छ । फिल्ममा समावेश यसअघि सार्वजनिक ’साया’ बोलको गीतलाई रुचाइएको छ ।
’समर लभ’लाई मुस्कान ढकालले निर्देशन गरेका हुन् । अर्जुन जिसीको सम्पादन, सञ्जय लामाको छायाँकन रहेको यो फिल्ममा उल्लेखित तीन कलाकारसँगै नम्रता सापकोटा, सरोज खनाल, शिशिर भण्डारी, ओमप्रतिक लगायत लिड अभिनयमा छन् । फिल्म यहि माघ २५ बाट प्रदर्शनमा आउँदैछ ।-रमाईलो छ बाट
