माघ १६
काठमाडौँ ।अनमोल केसी स्टारर फिल्म ‘क्याप्टेन’को गीतमा अभिनेत्री निरुता सिंह देखिने भएकी छन् । दालभात तरकारी फिल्मको छायाँकन सकेर मुम्बई गएकी निरुता क्याप्टेन गीतका लागि शुक्रबार काठमाडौं आएकी छन् ।
गीतमा अनमोल, निरुताको साथै भुवन केसीले पनि नृत्य प्रस्तुत गर्दैछन । उक्त गीतको अहिले रिहलसल्स भैइरहेको छ । फिल्मको एक लोकलय गीतमा अनमोल र निरुताले पहिलो पटक स्क्रिन सेयर गर्न लागेका हुन । यहि वर्ष भएको ‘एनएफडिसी’ फिल्म अवार्ड कार्यक्रममा निरुताले अनमोलसँग काम गर्न इच्छा व्यक्त गरेकी थिइन् । अनमोल र पुरानो जोडी भुवन केसीसँग स्क्रिन सेयर गर्न पाउँदा उत्साहित रहेको निरुताले बताइन । निरुताले भुवन केसीको दक्षिणा फिल्ममा डेब्यु गरेकी हुन् ।
फागुन १७ गते रिलिज हुने फिल्ममा अनमोल केसीसँगै प्रियंका एमभी, उपासना सिंह ठकुरीको मुख्य भुमिका रहेको छ । फिल्मलाई दिवाकर भट्टराईले निर्देशन गरेका हुन् । फिल्मको प्रोमो यही शुक्रबार रिलिज हुँदैछ ।-Ramailoछ.com
