भक्तपुरमा रंगशालाः महेश बस्नेत र प्रेम सुवालको प्रतिष्ठा लडाई ( भिडियो सहित )

साउन २७,
काठमाडौं । नेपाल सरकारले भक्तपुरमा ५० हजार दर्शक क्षमताको अन्तर्राष्ट्रियस्तरको रंगशाला निर्माण गर्ने तयारी गरेको छ । उक्त रंगशाला बनाउने र बनाउन नदिने विषयमा भक्तपुर निर्वाचन क्षेत्र नम्बर १ का प्रेम सुवाल र २ का महेश बस्नेतको जुहारी चलिरहेको छ । एकतातिर नेकपाका सांसद बस्नेत भक्तपुरमा जसरी पनि रंगशाला बनाउने भन्नेमा लागिपरेका छन् । अर्का तिर नेमकिपाका सांसद सुवाल जसरी पनि रोक्ने भन्नेमा छन् । भक्तपुर एक हजारदेखि पन्ध्र सय रोपनी क्षेत्रफल जमिनमा रंगशाला बनाउने चर्चा आशा र त्रास फैलिएको छ । रंंगशाला बनाउन नेकपाका नेता सांसद नेता महेश बस्नेत जोडतोडले लागेका छन् ।

अर्कातर्फ नेपकिपाका सांसद प्रेम सुवालले रंगशाला बनाउन नहुने भन्दै बोल्दै आएका छन् । सुवासले भनेझै हजारौं रोपनी खेत मासेर खेलमैदान बनाउनु हुदैंन भन्ने तर्कलाई सापटी लिने हो भने उनी पार्टीको नेतृत्वमा रहेको भक्तपुर नगरपालिकाले गरेको जग्गा प्लानिङलाई चाही के भन्ने ? के तेहा चाहीँ खेत थिएन् । नेकपाका नेता महेश बस्नेतलेको कुरामा पनि जनताले विश्वास गर्ने वातावरण छैन् । उनीलगायतको टोलीलेले गोव्य रुपमानै यो काम गर्दै आइरहेको छ । जुन स्थानमा रंगशाला बनाउने कुरा छ । सोही स्थानमा प्रभावित हुनेहरुसंग सार्वजनिक बहस गरेरमात्र काम अगाडी बढाउन नसक्नु ठुलो कमजोरी रहेको छ । सिधा हिसाबमा भन्ने हो भने यो नेकपा र नेमकिपाको राजनीतिक लडाई हो । यहाँ पीडितलाई उचालेर एकथरी आन्दोलन गरिहेका छन् । तर पीडित स्थानीयलाई राहत के–के कुरामा गर्न सकिन्छ भनेर माग सम्बोधन गर्न नखोज्नु र आन्दोलन गर्न उक्साउनु दुबैपक्षले रंगशालाको नाममा राजनीतिक गर्नु मात्र हो ।

स्थानीय तहदेखि माथीसम्म बस्नेतको पहुँच
भक्तपुरका तीन स्थानीय तहमा नेकपाको सरकार छ । यसरी हेर्दा रंगशाला बनाउने विषयमा महेश बस्नेतको स्थानीय तहमा बहुमत छ । अर्का तर्फ सरकारमा समेत नेकपाको दुई तिहाई छ । त्यसैले शक्तिसाली रुपमा बस्नेत देखिन्छ । प्रभावती हुने स्थानीय बासिन्दाको समस्यालाई समाधान गर्ने तर्फ बस्नेतले ध्यान दिए उनी सफल हुन सक्छन् ।

नेमकिपाको निषेधको राजनीति
नेपाल मजदुर किसान पार्टीले भक्तपुर नगरापलिका २०३६ सालदेखि नै चलाएको छ । तर पार्टीको नीति नै निषेध जस्तो भएपछि करिब करिब पार्टी भक्तपुर नगरका १० वडामा मात्र सिमित छ । अन्यपार्टीमा आस्था राख्ने र बाहिरबाट बसाई सरेर आउनेलाई नगरपालिकाका कर्मचारी र जनप्रतिनिधीको व्यवहार दुस्मन जस्तै छ । भक्तपुरमा अध्यक्ष नारायणमान बिजुक्छेको सम्मानको लागिमात्र पार्टीलाई भोट हाल्ने धेरै छन् । अन्य नेता र माथिल्लो स्तरका कार्यकर्ताको व्यवहारले पार्टीप्रति धेरै रुष्ट छन् । पार्टीभित्र नै सुनिल प्रजापति र प्रेम सुवालको आन्तरिक टकरावले गर्दा बेलाबेलामा समस्या हुने गरेको छ ।

सर्वसाधरणको आन्दोलन
भक्तपुरको सिपाडोल, नंखेल, चित्तपोल, ताथली र सुडालमा बनाउने भनेर प्रस्ताव भएपछि सो क्षेत्रका स्थानीयवासी विरोधमा उत्रिएका हुन् । सो क्षेत्रका स्थानीय तथा किसानहरुलाई उठिबास गराउन रंगशाला बनाउन लागिएको भन्दै त्यस विरुद्ध आन्दोलन गर्न गठन भएको रंगशाला निर्माण पीडित संघर्ष समितिले शुक्रबार सूर्यविनायक नगरपालिका, नगर विकास प्राधिकरण र जिल्ला प्रशासन कार्यालय भक्तपुरमा विरोध पत्र बुझाए । ‘युवा तथा खेलकुद मन्त्रीको निर्देशनमा सूर्यविनायक नगरपालिका वडा नं. १०, भकारी मूलमा करिब एकहजार रोपनी क्षेत्रफलमा अन्तर्रािष्ट्रय स्तरको रंगशाला निर्माण गर्ने कुराले आतंकित भएको उनीहरुको भनाई रहेको छ ।
भिडियोः नमस्ते नेपालको युटुव च्यानलबाट लिएको हो