असार १७,
भक्तपुर । प्रहरीले भक्तपुरको चाँगुमा गाईबस्तु चराउन गोठालो गएकी युवतीलाई जबरजस्ती करणी गर्ने प्रयास गरेको आरोपमा एक जना युवकलाई पक्राउ गरेको हो । प्रहरीको अनुसार विहिबार भक्तपुर चाँगुनारायण नगरपालिका वडा नम्बर ४मा २२ वर्षकी शारिरिक रुपमा फरक क्षमता भएको (बोल्न सुन्न र नसक्ने) युवतीलाई ललाई फकाई जबरजस्ती करणी गर्ने प्रयास भएको छ ।
फकाई जबरजस्ती करणी गर्ने प्रयास गरेको आरोपमा महानगरिय प्रहरी परिसर भक्तपुरले रौतहट घर भई हाल जिल्ला भक्तपुर चागुँनारायण नगरपालिका ४ बस्ने बर्ष १८ को सन्तोष कुमार रजतलाई पक्राउ गरेको हो ।
रजतलाई प्रक्राउ गरि जबरजस्ती करणी उद्योग अन्र्तगतको मुद्दामा अदालतबाट म्याद थप गरी आवश्यक अनुसन्धान कार्य भईरहेको प्रहरी परिसर भक्तपुरका प्रवक्ता प्रहरी नायव उपरिक्षक रेबति रमण पोखरलले जानकारी दिएका छन् ।
