जेठ २८,
भक्तपुर । महानगरिय प्रहरी परिसर भक्तपुरले लागूऔषध गाँजा र युवती सहित खाजाघर संचालकलाई पक्राउ गरेको छ ।
सोमबा भक्तपुर जिल्ला मध्यपुरथिमि नगरपालिका वडा नम्बर ४ चारदोबाटोमा रहेको गगनचुम्बी खाजाका संचालक मोरङ रतुवामाई नगरपालिका– ५ (साविक गोविन्दपुर गाविस–४) का शंकर राउतलाई पक्राउ गरेको हो ।
राउतले चलाएको खाजा घरमा युवतीहरु राखी अनैतिक क्रियाकलाप हुन्छ भन्ने सूचनाको आधारमा प्रहरीले खानतलासी चार जना युवतीलाई समेत पक्राउ गरेको महानगरिय प्रहरी परिसर भक्तपुरले जानकारी दिएको छ ।
प्रहरी उक्त खाजाघरबाट विभिन्न ब्राण्डका कण्डमहरु, ४ जना युवती र २१० ग्राम लागू औषध गाँजा सहित बरामद गरेको प्रहरी परिसर भक्तपुरको भनाई छ । यसबारेमा थप अनुसन्धान कार्य भइरहेको प्रहरी परिसर भक्तपुरका सुचना अधिकारी प्रहरी निरक्षक शुसिल पाण्डेले जानकारी दिएका छन् ।
