काठमाडौं । ब्रुकिना फासोका वर्तमान राष्ट्रपति क्याप्टेन इब्राहिम त्राओरेले अफ्रिकाका देशहरुमा रहेको खनिज चोरेर अमेरिकारी र युरोपियनहरु आफुहरुलाई गरिबको संज्ञा दिएको आरोप लगाएका छन् । ३७ वर्षको उमेरमा देशको नेतृत्व समालिरहेका उनले भनेका छन् अमेरिकाका मिडियाहरुले हाम्रो गरिबी र भोकमरि मात्रै देखेका छन् । हामी कति सम्पन्न छौं, हाम्रो स्रोत कति छ भन्ने कहिल्यैपनि देखाउदैंनन् । ‘हो हाम्रो आन्तरिक लडाईको कारणले हामी अफ्रीकीहरु कमजोर भएका छौं तर, हामी गरिब र भोकमारी होइनौं, तिम्रो टेस्ला, सामसुंगहरु हाम्रो देशको खनिजले चलेका छन्, याद गर,’ उनले भने ।
उनले गरेका केही मुख्य कार्यहरुः
ब्रुकिना फासोका वर्तमान राष्ट्रपति क्याप्टेन इब्राहिम त्राओरेको जन्म १४ मार्च १९८८ मा भएको हो। उनको उमेर ३७ वर्ष २ महिना भएको छ। उनले ३० सेप्टेम्बर २०२२ मा सैन्य कू मार्फत सत्ता सम्हाल्दै अफ्रिकाका सबैभन्दा कान्छा राष्ट्रप्रमुख बनेका थिए ।
क्याप्टेन इब्राहिम त्राओरेले सेप्टेम्बर २०२२ मा सत्ता सम्हालेपछि ब्रुकिना फासोमा विभिन्न सुधारात्मक कदमहरू चालेका छन्, जसको उद्देश्य आर्थिक आत्मनिर्भरता, राष्ट्रिय सार्वभौमिकता, र सामाजिक न्याय प्रवर्द्धन गर्नु हो। तल उहाँका प्रमुख पहलहरू प्रस्तुत छन् ।
अन्तर्राष्ट्रिय ऋण अस्वीकृतिस् उहाँले विश्व बैंक र अन्तर्राष्ट्रिय मुद्रा कोष बाट ऋण लिन अस्वीकार गर्दै, “अफ्रिकालाई विश्व बैंक, युरोप वा अमेरिका आवश्यक छैन” भन्ने अभिव्यक्ति दिएका छन्। स्वदेशी उत्पादनमा जोडस् टमाटर प्रशोधन कारखाना, सुन प्रशोधन केन्द्र, र कपास प्रशोधन केन्द्र स्थापना गरिएको छ, जसले स्थानीय उत्पादनलाई प्रवर्द्धन गरेको छ।
अप्रशोधित सुनको निर्यात रोक्दै, देशभित्रै प्रशोधन गरिने व्यवस्था गरिएको छ, जसले राजस्व वृद्धि र रोजगारी सिर्जना गरेको छ।
