२९ लाखभन्दा बढी मूल्यको सामान बरामद

19

सिरहा । सिरहाको विभिन्न स्थानबाट सशस्त्र प्रहरीले २९ लाखभन्दा बढी मूल्यको समान वराम गरेको छ । हिजो (बुधबार) करीव २९ लाख २२ हजार ४ सय रुपियाँ बराबरको लत्ताकपडा तथा अगरबत्तीको धुलो बरामद गरेको भन्सार कार्यालय सिरहाले जनाएको छ ।

लुकाई छिपाई राखेको लत्ताकपडा तथा अगरबत्तीको धुलो बरामद गरेको प्रहरीले जनाएको छ । जिल्लाको नवराजपुर गाउँपालिका–५ मेनहा बस्ने संजय महतोको जस्तापाताले छाएको टहरामा लुकाई राखेको अवस्थामा उक्त सामान प्रहरीले बरामत गरेको छ ।

१६ लाख २२ हजार ४ सय रुपियाँ बराबरको लत्ताकपडा र अगरबत्तीको धुलो बरामद गरी सिरहा भन्सार कार्यालय मार्डरमा बुझाईएको छ । सोही गाउँपालिका–५ झाँझपट्टी बस्ने विनोद यादवको घर नजिकै लुकाई छिपाई राखेको ५ लाख रुपियाँ बराबरको १ सय २० बोरा अगरबत्तीको धुलोसमेत बरामद गरेको प्रहरीले जनाएको छ ।