लेवान्डोस्कीको विश्वकपमा पहिलो गोल

34

पोल्यान्डका स्टार फुटबलर रोबर्ट लेवान्डोस्कीले विश्वकपमा गोल गर्ने सपना पुरा गरेका छन् । लेवान्डोस्कीले साउदी अरेबियाविरुद्ध ८२ औ मिनेटमा गोल गरेका हुन् ।

बार्सिलोनाका स्ट्राइकरको यो पाँचौ विश्वकप खेलमा पहिलो गोल हो । उनको गोल र असिस्टसँगै समूह सी अन्तर्गत शनिबारको खेलमा पोल्यान्डले साउदी अरेबियालाई २–० ले हराएको छ ।

यसअघि पिटर जेलिनस्कीले ३९ औं मिनेटमा लेवान्डोस्कीको सहयोगमा गोल गरेर पोल्यान्डलाई १–० को अग्रतामा राखेका थिए । योसँगै पोल्यान्डको ४ अंक भएको छ भने साउदी अरेबियाको ३ अंक रहेको छ । पहिलो खेलमा लेवान्डोस्कीले पेनाल्टी गुमाउँदा मेक्सिकोसँग गोलरहित बराबरीमा चित्त बुझाउनु परेको थियो ।

उता पहिलो खेलमा दुई पटकको विश्व विजेता टोली अर्जेन्टिनालाई हराएर सनसनी मचाएको साउदी अरेबियाले भने दोस्रो खेलमा कुनै चमत्कार गर्न सकेन । त्यसो त, साउदी अरेबियाको लागि पहिलो हाफको इन्जुरी समयमा खेलमा फर्कने सुनौलो अवसर आएको थियो । तर, प्राप्त पेनाल्टी गोलमा परिणत गर्ने मौका साउदी अरेबियाले गुमाएको थियो ।