गठबन्धन गरेका एमाले-जसपाबीच असझदारी

18

काठमाडौं । आगामी मंसिर ४ मा देशैभर एकै चरणमा हुने निर्वाचनमा सत्ता गठबन्धनसँग प्रतिस्पर्धाका लागि अर्को गठबन्धन गरेका प्रमुख प्रतिपक्षी दल नेकपा (एमाले) र जनता समाजवादी पार्टी (जसपा) नपालबीच अधिकांश क्षेत्रमा असमझदारी देखिएको छ । केन्द्रको सम्झौताअनुसार भागबण्डा गरेर सिट बाँडफाँट गरेका एमाले–जसपाका कार्यकर्ताबीच कुरा नमिल्दा गठबन्धका नेताबीच नै प्रतिस्पर्धा भइरहेको हो ।

जसपाको प्रभाव भएको क्षेत्रमा एमालेका स्थानीय नेताहरूले वागी उठ्ने र उठाउने गरेपछि आफूहरुले जसपाले पनि आफ्ना उम्मेदवार खडा गरेको जसपाका केन्द्रीय नेताले बताए । तराई मधेश जसपाको पकड भएको ठाउँ हो । तर मधेशका कतिपय सिटमा जसपा–एमालेबीच सोझो प्रतिस्पर्धा भइरहेको छ । एमाले र जसपाले चुनावी तालमेल गरेको सिटमासमेत एमालेले स्वतन्त्र उम्मेदवारी दिएपछि एमाले कार्यकर्ताहरू खुला रूपमा स्वतन्त्र उम्मेदवारको लागि भोट मागिरहेका छन् ।

केही सिटमा सहमति विपरीत एमालेले आधिकारिक उम्मेदवार नै उठाएको पाइएको छ । यसले उनीहरूबीच दरार उत्पन्न भएको छ । देशभरका केही सिटमा चुनावी तालमेल गरेपनि नमिलेका क्षेत्रहरूमा मित्रवत् प्रतिस्पर्धा भइरहेको जसपाका महासचिव गंगानारायण श्रेष्ठले जानकारी दिनुभयो । उहाँले भन्नुभयो, ‘हामीले मिल्ने क्षेत्रहरुमा तालमेल गरेका छौं, तर कुरा नमिलेका क्षेत्रहरू र चुनावी तालमेल नगरिएको क्षेत्रहरुमा हाम्रा पार्टीकै उम्मेदवारहरू हुनुहुन्छ, त्यहाँ स्वच्छ प्रतिष्पर्धा हुन्छ ।’ चुनावी तालमेल गरेका बाँके, बारा, धनुषा, मोरङलगायतका क्षेत्रमा एमाले नेतृत्वको गठबन्धनका नेताबीच नै प्रतिस्पर्धा भइरहेको स्थानीय नेताहरूले बताएका छन् ।

ठाउँठाउँमा आपसी धोका

बाँके-२ मा एमाले–जसपाबीच सोझो टक्कर हुँदैछ । त्यस क्षेत्रमा जसपाबाट उम्मेदवारी दिएका इस्तियाक राईलाई हराउन एमालेका कार्यकर्ताहरू राष्ट्रिय प्रजातन्त्र पार्टी (राप्रपा)का उम्मेदवार धवल शमशेर राणालाई सक्रिय सहयोग गरिरहेका छन् । हामी जित्ने लाइनमा छाँै’, जसपाका बाँकेका एक नेताले भने, ‘तर, एमालेका साथीहरूले राप्रपालाई सहयोग गरेर हामीलाई पूर्ण असहयोग गर्नुभयो भने यो क्षेत्रमा राईलाई पनि समस्या नै हुनसक्छ ।’

बाँके-२ मा सत्ता गठबन्नधका तर्फबाट नेपाली कांग्रेसका नेता सुदीपनरसिंह राणाले उम्मेदवारी दिनुभएको छ । प्रतिपक्षी गठबन्धनका दलबीचको झगडाले गर्दा राणालाई फाइदा पुग्नसक्ने बताइएको छ । त्यहाँँ एमालेले जसपालाई धोका दिएको जसपाका नेताहरूको भनाइ छ । बारा-३ मा एमालेको नेता अध्यानन्द पाण्डेले उम्मेदवारी दिनुभएको छ ।

त्यस क्षेत्रमा जसपाले रामबाबु यादवलाई उम्मेदवार बनाएको छ । रामबाबु अध्यक्ष उपेन्द्र यादवनिकट मानिन्छन् । एमालेकै कारण त्यस क्षेत्रमा रामबाबुले हार्ने अवस्था बारा-३ मा कांग्रेसबाट फरमुल्र्लाह मन्सुरको उम्मेदवारी छ । एमाले–जसपा विवादले मन्सुरका पक्षमा पासा पल्टने सम्भावना बढेको कांग्रेसका स्थानीय बताउँछन् ।