भक्तपुर । भक्तपुर जिल्लाबाट पोखरामा हुने ९ औं राष्ट्रिय खेलकुद प्रतियोगितामा भाग लिन जाने खेलाडीहरुलाई शुभकामना तथा बिदाई कार्यक्रममा सम्पन्न भएको छ ।
सो अवसरमा जिल्ला समन्वय समिति भक्तपुरका प्रमुख इश्वर थापा, उपप्रमुख सुजाता बाडे वैद्य, प्रशिक्षक तथा रेफ्रीहरुले खेलाडीहरुलाई शुभकामना तथा बिदाई गरेका थिए । 
कार्यक्रममा भक्तपुर जिल्ला खेलकुद विकाश समितिका अध्यक्ष दिपक थापाले खेलाडीहरुलाई जिल्ला र बागमती प्रदेशको नाम राख्न शुभकामना दिदैं जिल्लामा भएको गतिविधी बारे प्रष्ट पारेका थिए । ९ औं राष्ट्रिय खेलकुद प्रतियोगितामा असोज २८ गते सुरु भएर कार्तिक ३ गते समापन हुनेछ ।
