काठमाडौँ । गाडीले ठक्कर दिएर भुइमा ढलेपछि एक व्यक्तिलाई लुटिएको छ । बाँच्नको लागि संघर्ष गर्दै भुइँमा छटपटाइरहेको बेलामा उनलाई लुटिएको हो ।
न्यूयोर्क प्रहरी विभाग (एनवाईपीडी) ले दुर्घटनाको फुटेज ट्विटरमा सेयर गर्दै उक्त घटना शनिबार ब्रोन्क्समा भएको जानकारी दिएको छ । संदिग्धहरूले एक ३९ वर्षीय पुरुषलाई कारले ठक्कर दिए । त्यसपछि जबरजस्ती उसको सम्पत्ति लिन अघि बढे’ पोस्टमा भनिएको छ ।
विभत्स उक्त भिडियोमा कालो, चार ढोकाको सेडानले पिडितलाई हावामा फ्याँकिएको देख्न सकिन्छ । गाडिको ठक्करबाट ३९ वर्षीय ती पुरुष चोट लागेर सडकमा लडेका थिए । केही सेकेन्डमै ठक्कर दिने गाडी भित्र रहेका दुईजना व्यक्तिहरू कारबाट बाहिर निस्किए र घटनास्थलबाट भाग्नु अघि उसको पकेटमा भएका सामानहरू लगेका थिए । न्यूयोर्क पोस्टका अनुसार उक्त घटनापछि, एक आपत्कालीन चालक दलले पीडितलाई अस्पतालमा लगेका थिए । उनको अवस्था गम्भीर रहेको जनाइएको छ । प्रहरीले आक्रमणकारीको खोजी गरिरहेको छ ।
