चैत २०,
काठमाडौं— भारतीय नाका हुँदै नेपाल प्रवेश गर्ने ६८ जनामा कोरोनाभाइरस संक्रमण पुष्टि भएको छ । नेपाल प्रवेश गर्ने मध्ये कोरोनाभाइरस कोभिड—१९ को आशंका गरिएकालाई ऐन्टिजेन विधिबाट परीक्षण गर्दा संक्रमण पुष्टि भएको इपिडिमियोलोजी तथा रोग नियन्त्रण महाशाखाका प्रमुख डा।कृष्ण पौडेलले जानकारी दिए । पछिल्लो समय भारतमा कोरोना संक्रमण दर ह्वात्तै बढेको छ । भारतमा वृद्धि भइरहेको संक्रमण दरको प्रभाव प्रत्यक्ष रुपमा नेपालमा पर्ने जनस्वास्थ्यविद्हरुले बताउँदै आएका छन् ।
नेपालमा पनि साता दश दिनयता कोरोना संक्रमण दरको ग्राफ उकालो लागेको स्वास्थ्य तथा जनसंख्या मन्त्रालयका डा। समीरकुमार अधिकारले बताए । १९ गते शुक्रबार ३ हजार ५ सय ६५ कोरोना परीक्षण गर्दा १ सय ७९ जनमा संक्रमण पुष्टि भएको स्वास्थ्य मन्त्रालयले जनाएको छ । भारतमा कोरोना संक्रमण उच्च विन्दुमा पुगेको एक महिनापछि नेपालमा पनि संक्रमण दर उच्च विन्दुमा पुगेको थियो । भारतमा संक्रमण दर बढ्दै जाने नेपालमा जनस्वास्थ्यका मापदण्ड पालना नगर्ने क्रम बढ्दै गएकाले नेपालमा कोरोना संक्रमणको दोस्रो लहरको संकेत देखिएको जनस्वास्थ्यविद् डा. शरद वन्तले बताउँछन् । सीमा नाकाहरूबाट मानिसको आवत–जावत हुनुका साथै पेशा व्यवसाय, श्रम र तीर्थयात्राका लागि धेरै भारतीयहरू नेपाल आउने जाने गर्छन । त्यसैले संक्रमण सावधानी अपनाउनुको विकल्प नभएको उनको भनाइ छ ।
