पुस २७,
काठमाडौं । देशभर बितेको २४ घण्टामा देशभर थप ४८८ जनामा कोरोनाभाइरस संक्रमण पुष्टि भएको छ । यस्तै ५२७ जना कोरोनामुक्त भएको पनि स्वास्थ्य तथा जनसंख्या मन्त्रालयले जनाएको छ । मन्त्रालयका अनुसार योसँगै देशभर कोरोना संक्रमितको कुल संख्या २ लाख ६५ हजार २६८ पुगेको छ भने निको हुनेको संख्या २ लाख ५८ हजार ९६८ पुगेको छ । यस्तै बितेको २४ घण्टामा थप १० जनाको मृत्यु भएसँगै कुल मृतककको संख्या १९२७ पुगेको छ । यस्तै हाल देशभर सक्रिय संक्रमित ४ हजार ३७३ जना रहेका छन् ।
