चैत्र १८,
भक्तपुर। दिनभर सडकमा डियुटीमा खटिएका प्रहरीलाई सडकमै पुगेर खानेकुरा देखि पन्जासम्म वितरण गरिएको छ । नेपाल दशनामी समाज भक्तपुरका युवा अध्यक्ष एवं भक्तपुर मोटर ड्राइभिङ्ग ट्रेनिङ्ग सेन्टरका अध्यक्ष गोकुल वन र उनका साथीहरुले सडक मै गएर नेपाल प्रहरी, शसस्त्र प्रहरी र ट्राफिक प्रहरीलाई सामाग्रीहरु प्रदान गरेका छन् । वनलाई यो कार्यमा साथीहरु राजु सुवाल, साजन थापा, प्रविन गिरीले साथ दिएका हुन् ।
उनीहरुले जडिबुटीदेखि मध्यपुरथिमि, सूर्यविनायक, जगातीहुदै साँगासम्म डियुटीमा खटिएका करिब २ सय प्रहरी विभिन्न सामाग्री वितरण गरेका हुन् । प्रहरीलाई हातमा लाउने ग्लोभ्स्, मास्क, पिउने पानी र खाजाको प्याकेट वितरण गरेको छन् । सुरक्षाका लागि सडकमा खटिएका प्रहरीहरुले किनेर पानी र खाजा खाने ठाउँ पनि छैन, त्यसैले उहाँहरुलाई सानो सहयोग गरेका हौ” अध्यक्ष वनले भने ।
