साउन २७,
काठमाडौं । मेरो श्रीमान पैसा कमाउन लाहुर जानुभएको छ । मैले कसरी पेट बोँके ? उनले भन्ने गरेकी छन् । तर उनी पेट बोकेर पनि सुत्केरी हुने अवस्थामा पुगेपछि अहिले गुल्मीको जिल्ला अस्पताल तम्घास ल्याइएको छ । उनी अविवाहित हुन् । अन्दाजी २५ बर्षीया उनी जिल्लाको रेसुङ्गा नगरपालिकावडा नम्वर ११ सिमीचौरकी अविवाहित युवती रुमकली नेपाली (नाम परिवर्तन) हुन् ।उनी अत्यन्तै विपन्न परिवारकी भएकोले आफ्नै खर्चमा प्रसुति गराउनका लागि अस्पताल लिएर आएको त्यस वडाका वडाध्यक्ष खुमबहादुर रानाले बताए । ‘मैले मेरो रगत दिन परेपनि उनलाई बचाउँछु’ वडाध्यक्ष रानाले भने, ‘मानवअधिकारवादी संस्थादेखि सबै संघ–संस्थालाई पनि यी महिलाको उद्दारका लागि सहयोगको अपिल गर्दछु ।’
उनका अनुसार युवतीको मानसिक सन्तुल ठिक छैन । उनलाई कसले गर्भधारण गरायो भन्ने खुलेका छैन । वडा सदस्य हुमकला रानाले निकै फकाएर सोधिन् तर उनले कुनै व्यक्तिको नाम लिइनन् । उनले जतिबेला पनि ‘मेरो गोसाँ ९श्रीमान० लाहुर जानुभएको छ, म कसरी गर्भवती भएँ रु’ भन्ने गरेकी छन् । उनको अहिलेसम्म कसैसँग विवाह भएको छैन । उनका बाबुआमाले दैनिक निमेक मजदूरी गरेर जिविका चलाउने गरेका छन् । उनले आफ्नो कल्पनामा रहेको लाहुरे श्रीमान भनिएका ब्यक्ति को हुन् भनेर पत्ता लगाउनका लागि प्रहरी प्रशासनको सहयोग लिने र उनलाई जिल्ला अस्पतालमा सम्भव नभए अरु कुनै अस्पतालमा खर्च जुटाएर पुर्याइने वडाध्यक्ष रानाले बताए ।
वडाध्यक्ष राना नेपाली सेनाका अवकाश प्राप्त सैनिक हुन् । उनी यसअघि पनि यस्ता मानवीय उद्दार कार्यमा जुट्दै आएका छन् । युवती बढी मात्रामा जथाभावी बाहिर डुल्ने गर्दथिन् । ब्यथा लागेर सडकमा लडेको थाहा पाएपछि वडाध्यक्ष रानाले जिप चालकलाई बोलाएर अस्पताल ल्याएका हुन् ।
-यो सामाग्री हामीले रातोपाटी डटकमबाट लिएका हौं ।
