असार २८,
काठमाडौं । फिल्म ‘हजार जुनीसम्म’को ‘सुकुटी साँध्न साउनी’ बालको दोस्रो गीत सार्वजनिक भएको छ । कविराज गहतराजले कोरियोग्राफी गरेको आइटम गीतमा आर्यन सिग्देलसँग हाँस्यकलाकार दिपाश्री निरौलाले नृत्य गरेकी छन् । सार्वजनिक गीतमा आर्यन र दिपाश्रीसँगै स्वस्तिमा खड्का, अखिलेष प्रधान, शिवहरी पौडेललाई पनि देख्न सकिन्छ ।
यो गीतमा दिपा भट्टीको साउनीको रुपमा प्रस्तुत भएकी छिन् । प्रल्हाद तिमिल्सेना र मिना निरौलाको स्वर रहेको गीतमा एकनारायण भण्डारीको शब्द र बसन्त सापकोटाको संगीत रहेको छ । फिल्ममा आर्यन, स्वस्तिमा, अखिलेष, शिवहरीसँगै प्रियंका कार्की, सलोन बस्नेत, विशाल चाम्लिङ, उत्तम प्रधान, संचिता लुइँटेल, अनुभव रेग्मी लगायत कलाकारको अभिनय रहेको छ । यो फिल्मबाट अखिलेष प्रधान डेब्यु गर्दैछन् ।
