असार २७,
काठमाडौं । आउँदो भाद्र ६ गतेलाई ‘रिलिज डेट’ तय गरेको फिल्म ’हजार जुनीसम्म’को सुकुटी साँधन साउनी बोलको गीत सार्वजनिक भएको छ । गीतमा दीपाश्री निरौलासँगै आर्यन सिग्देल देखिएका छन् । यी दुईलाई नृत्य गरिरहेको देख्न सकिन्छ। साथमा शिवहरी पौडेल पनि छन्। तीन फिल्म ब्याक टू ब्याक ब्लकबस्टर दिएकी निर्देशक दिपाश्रीलाई दर्शकले आइटम नृत्य गर्दै गरेको देखिएकी छन्। गीतमा दीपाले ‘भट्टीको साहुनी’को रूपमा आइटम नृत्य गरेकी छिन्। यो गीतमा उनको नाम ‘शर्मिला’ राखिएको छ। गीतमा नायिका स्वस्तिमा खड्का, नव–नायक अक्की प्रधान, कलाकार शिवहरि पौडेल, उत्तम केसी लगायतलाई यो भिडियोमा देख्न सकिनेछ। भिडियो हेर्नुहोस् :
कविराज गहतराजले कोरियोग्राफी रहेको गीतलाई पुरुषोत्तम प्रधानले छायांकन गरेका हुन्। ‘आज नगद भोली उधारो’बोलको गीतमा वसन्त सापकोटाको शब्द तथा संगीत, प्रल्हाद तिमिल्सिना, मिना निरौला र दीपाश्रीको स्वर छ। नाई नभन्नु ल सिरिजका निर्देशक विकासराज आचार्यको निर्देशन रहेको फिल्मको पटकथा सामिप्यराज तिमल्सेनाले तयार पारेका हुन्। फिल्ममा संचिता लुइँटेल, अनुभव रेग्मी लगायतको पनि अभिनय रहेको छ। यसमा उदयराज सोताङ्ग, राजनराज सिवाकोटी, वसन्त सापकोटा र प्रविन पौडेलको संगीत, अर्जुन जिसीको सम्पादन छ। कविता रेग्मी फिल्मकी कार्यकारी निर्माता हुन् भने यसमा विशाल चाम्लिङ निर्माता छन्।