असार १२,
काठमाडौँ । चलचित्र ‘जाइरा’को ‘आँखैले बोल्छ’ बोलको गीत सार्वजनिक भएको छ । बिहिबार काठमाडौंमा एक कार्यक्रम आयोजना गर्दै गीत सार्वजनिक गरिएको हो । रोमान्टिक गीतमा नायिका नम्रता श्रेष्ठ र नायक अनुप विक्रम शाही फिर्चड छन् ।
सन्तोष लामाको स्वर रहेको गीतमा रवी मल्लको शब्द र कल्याण सिंहको संगीत रहेको छ । संगीत संयोजन गोपाल रसाइलीको रहेको छ । यो फिल्ममा नम्रता श्रेष्ठको एक्सन रहेको छ । महिला एक्सन प्रधान फिल्ममा नम्रतासँगै अनुप विक्रम शाही, प्रमोद अग्रहरी, सिर्जना रेग्मी, रेमोन दास श्रेष्ठ, सुजता श्रेष्ठ, सम्राट मगर लगायत कलाकारको अभिनय रहेको छ ।
आशुतोष राज श्रेष्ठको लेखन तथा निर्देशन रहेको फिल्ममा एक्सन निर्देशन सम्राट बस्नेतले गरेका हुन् । बाबु श्रेष्ठको छायांकन रहेको फिल्मलाई लोकेश बज्रार्चायले सम्पादन गरेको छन् । यो फिल्म भाद्र ६ गते देखि प्रर्दशन हुँदैछ ।
