जेठ २३,
उदयपुर । कटारी नगरपालिका -६ स्थित बिहीबारे भन्ने स्थानमा डिउटीमा खटिएको प्रहरीमाथि हातपात गरेको आरोपमा २ जना पक्राऊ परेका छन् । बियरको बोतल र बाँसको भाटा प्रहार गरेको अभियोगमा सोही नगरपालिका-७ बस्ने २२ वर्षीय प्रदिप तामाङ समेत २ जना पुरुष र २ जना महिला गरी ४ जनालाई बुधबार राति प्रहरीले पक्राउ गरेको हो ।
उक्त स्थानमा हो-हल्ला गरी बसेका उनीहरु समेत ५ जनालाई प्रहरी चौकी रिस्कुबाट खटिएको गस्ती टोलीले सोधपुछ गर्ने क्रममा अचानक प्रहरीमाथी बियरको बोतल र बाँसको भाटाले प्रहार गर्दा ३ जना प्रहरी कर्मचारी घाइते भएका हुन् । घाइतेहरुलाई उपचारको लागि कटारी अस्पताल लगिएको छ । साथै घटनामा संलग्न अन्य १ जना फरार भएकोले खोजी गरिरहेको प्रहरीले जनाएको छ ।
यस सम्बन्धमा प्रहरीले थप आवश्यक अनुसन्धान गरिरहेको छ बताएको छ ।
