चैत २२,
ललितपुर – ललितपुरको नयाँबाटोमा ट्रकले भ्यानलाई किच्दा दुई जनाको मृत्यु भए को छ । बिहान साढे १० बजे भएको दुर्घटनाका घाइतेको उपचारका क्रममा अलका अस्पतालमा मृत्यु भएको ललितपुर प्रहरीले जनाएको छ ।
मृत्यु हुनेमा दोलखा घर भई हालको ठेगाना नखुलेका ४० वर्षका इन्द्रबहादुर सुनुवार र धनुषा घर भई हाल भैसेपाटी बस्ने ४० वर्षीय की डोल्मा शेर्पा रहेका छन् । उनीहरुको अलका अस्पतालमा उपचारका क्रममा मृत्यु भएको प्रहरीले जनाएको छ ।
दुर्घटनामा धनुषा घर भई हाल बुगमती बस्ने १८ वर्षकी स्मृति मगर पनि गम्भीर घाइते भएकी छन् । उनको मेडिसिटी अस्पतालमा उपचार भइरहेको छ ।
सानेपाको नयाँबाटो चोकमा जनक शिक्षा सामग्री केन्द्रको ना १ घ ५३३ नम्बरको ट्रकले तरकारी बोक्ने बा ७ च २१३१ नम्बरको भ्यानलाई ठक्कर दिँदा दुर्घटना भएको हो । जनक शिक्षाको ट्रकका चालक घटना लगत्तै फरार भएका छन् ।
