साउन २२,
नेपालमा कुनै उत्पादक वा सेवा वितरकका कारण स्वस्थ्य तथा अन्य कुनै पनि किसिमका हानी नोक्सानी भएमा उपभोक्ताले क्षतिपूर्ति पनि माग्न मिल्ले कानुन बनाउन तयारी भइरहेको छ । मन्त्रिपरिषदबाट पारित भएर संसदमा दर्ताका लागि गएको विद्येयकमा कुनै उत्पादक वा सेवा वितरकका कारण स्वस्थ्य तथा अन्य कुनै पनि किसिमका हानी नोक्सानी भएमा उपभोक्ताले क्षतिपूर्ति पनि माग्न सक्ने र प्राप्त गर्नुपर्ने व्यवस्था प्रस्ताव गरिएको हो । पहिलोपटक उपभोक्ताले क्षतिपूर्ति पाउन सक्ने गरी कानुनी व्यवस्था प्रस्ताव गरिएको छ । उपभोक्ता हित संरक्षणलाई एकीकरण गर्न बनेको विद्येयकमा उपभोक्ताले आफूलाई कुनै सेवा उपभोग गर्दा कुनै प्रकारको हानी भए त्यसको क्षतिपूर्ति दाबी गर्न सकिने उल्लेख छ । उपभोक्ताको अधिकारलाई बलियो बनाउन उत्पादक, सेवा प्रदायक र सरोकारवालालाई जिम्मेवार बनाउन यस किसिमको व्यवस्थासहितको ऐन प्रस्ताव गरिएको सरकारको भनाई छ । यसले विकास निर्माणको काम गर्दा धुलो धेरै उडेर स्थानीयको स्वासथ्यमा गम्भीर समस्या उत्पन्न भएमा प्रमाणसहित क्षतिपूर्तिको दावी पेश गर्न सक्ने बाटो पनि खुलेको छ । यदि यो कानुन बनेमा सेवा प्रदायकले गुणस्तरमा समेत ध्यान दिनेछन् । जसमा आम सर्वसाधरण उपभोक्ता हरेक सेवामा गुणस्तर मिल्ने छ । उत्पादन र सेवामा कमजोरी गर्ने व्यवसायी दण्ड सजाय मिल्नेछ ।