बैशाख ३१,
काठमाडौ । जेठ २५ गतेदेखि प्रदर्शनमा आउने फिल्म ‘चङ्गा’ को प्रोमो रिलिज गरिएको छ । सोमबार प्रेसमिट गर्दै कमेडी फिल्मको ट्रेलर सार्वजनिक गरिएको हो । लेखक तथा निर्देशक किशोर भण्डारीले चङ्गा मनोरञ्जनात्म फिल्म रहेको बताए । ‘फिल्ममा मनोरञ्जसँगै सामाजिक कथा पनि छ’, डिठ्ठा साबले भने, बच्चा ट्रयापमा परेको कथालाई देखाएका छौं ।
उनले बच्चा अपहरणको कथा भने फिल्ममा नरहेको दाबी गरे । कार्यकारी निर्माता प्रिंकु पाण्डेले फिल्म राम्रो बनाउने प्रयास गरेको बताइन् । फिल्ममा उनका कथा र अभिनय समेत छ । ‘चङ्गा’ मा बुद्धि तामाङ, कमलमणी नेपाल, अंकित खड्का, लक्ष्मी वर्देवा, रेश्मा तिमिल्सना, प्रेम बर्षा खड्का, जीवन भट्टराई, राजन खतिवडा, लक्की भण्डारी लगायतको अभिनय छ । फिल्ममा रविन आचार्य डिओपी र नवराज उप्रेती सिनेम्याटोग्राफी छ । संगीत राजनराज सिवाकोटी र कमल क्षेत्रीको छ ।
