माघ १८
काठमाडौं । फिल्म ुकान्छीुको गीत चरीचट्टले युट्युबमा एक करोडभन्दा बढी भ्युज पाएको छ। युट्युबमा अपलोड गरिएको तीन महिनामा गीतले एक करोड भ्युअर्स पाएको हो। उक्त गीतमा राजनराज सिवाकोटीको शब्द संगीत रहेको छ। गीतमा राजनराज र अन्जु पन्तको स्वर छ। बसन्त श्रेष्ठको कोरियोग्राफीमा तयार भएको भिडियोमा फिल्मका मुख्य कलाकार श्वेता खड्का र दयाहाङ राई फिचरिङ छन्। फागुन ४ गतेबाट प्रदर्शनमा आउने फिल्मलाई आकाश अधिकारीले निर्देशन गरेका हुन्। यम थापाको लेखन रहेको फिल्ममा पुरुषोत्तम प्रधानको छायांकन, हिमाल केसीको द्वन्द्व निर्देशन रहेको छ। फिल्ममा राजनराजसँगै अर्जुन पोखरेल र शम्भुजित बास्कोटाले संगीत दिएका छन्। फिल्ममा श्वेता र दयाहाङसँगै कामेश्वर चौरसिया, आशान्त शर्मा, अनु शाह, भूमिका श्रेष्ठ, निर शाह, प्रज्वल सुजल गिरीलगायतको मुख्य भूमिका रहेको छ। काया फिल्मस् र बुम रेमिटुको व्यानरमा निर्माण भएको कान्छीुमा श्वेता खड्का र शैलेश खड्काको लगानी रहेको छ। फिल्ममा रविन खड्का सहनिर्माताको रुपमा रहेका छन्।
