बैशाख २, एजेन्सी,
काठमाडौँ -संसारको सबैभन्दा ठूलो विमानले पहिलो परीक्षण उडान गरेको छ । ‘स्ट्राटोलञ्च’ नाम दिइएको विमानलाई अमेरिकाको क्यालिफोर्निया राज्यमा रहेको एक मरुभूमिबाट उडाइएको थियो । लगभग अढाई घण्टा चलेको परीक्षण उडान क्यालिफोर्नियाको मोजावे मरुभूमिमा गरिएको थियो ।
विमानमा ६ वटा बोइङ ७४७ इन्जिन लागेको छ । विमान यति ठूलो छ कि यसको एउटा पखेटा फुटबल मैदानभन्दा ठूलो छ । यसलाई ‘स्केल्ड कम्पोजिट्स इन्जीनियरिङ कम्पनी’ले तयार पारेको हो ।
विमानलाई रकेट लिएर अन्तरीक्षसम्म उडान भर्ने हिसाबले निर्माण गरिएको छ । विमानमा अन्तरिक्षमा पुगेपछि सँगै लगिएको रकेट सुचारु हुने र भू–उपग्रहलाई अन्तरिक्ष खसाल्ने प्रविधि जडान गरिएको छ ।
हाल भू–उपग्रहलाई अन्तरिक्षमा पु¥याउन जमिनबाट उडाइने रकेट निर्विकल्पन रहदैं आएको छ । यस विमानको प्रयोग सुरु भएपछि यसले भू–उपग्रहको अन्तरिक्ष ढुवानीमा हाल जमिनबाट रकेट उडाइने तरिकाको विकल्प दिनेछ । यो माध्यमले भू–उपग्रह अन्तरिक्षमा पु¥याउन रेकटबाट हुने खर्चलाई निक्कै कम गर्नेछ ।
विमान हाल प्रयोग भइरहेको वायुयानकै जस्तो बडियुक्त हो । तर यसमा बडि आपसमा जोड्ने प्रविधि अपनाइएको छ । विमानका अन्य विवरणमा यसमा २ वटा इन्धन ट्याङ्की, ६ वटा इन्जिन र ११७ मिटर लामो पखेटा छन् ।
परीक्षणका क्रममा विमान अधिकतम ३०४ किमी प्रति घण्टाको रफ्तारसम्म पुगेको थियो भने यो १७ हजार फिट९५१८२०को उचाईमा पुगेको थियो ।
स्ट्राटोलञ्चलाई माइक्रोसफ्ट कम्पनीका सहसंस्थापक पल एलेनले लगानी गरेका थिए । तर अघिल्लो वर्ष अक्टोबरमा एलेनको मृत्यु भएपछि परियोजनाको भविष्यलाई लिएर प्रश्न उठेको थियो । तर हाल विमानको निर्माण निक्कै अघि पुगेको देखिएको छ ।
