साउन १५,
भक्तपुर । भक्तपुरमा चक्कु देखाएर निमार्ण व्यवसायीको साथममा रहेको नगद ६ लाख रुपैँया लुटपाट भएको छ । चाँगुनारायण नगरपालिका ६ फेदिका निर्माण व्यवसायी परशुराम बजगाईको साथमा रहेको नगद ६ लाख रुपैया माक्स लगाएर मोटरसाइकलमा सवारले लुटपाट गरेको बताए । नेपाल बैंक कमलविनायक शाखाबाट झिकेको २ लाख र घरबाट ल्याएको ४ लाख सहित ६ लाख नगद रुपैया मंगलबार दिउँस भक्तपुर नगरपालिका वडा नम्बर ८ काल्हाचामा मोटरसाइकलमा आएका दुइजनाले चक्कु देखाएर लुटेका उनको भनाई छ । महानगरिय प्रहरी परिसर भक्तपुरका सुचना अधिकारी प्रहरी नायव उपरिक्षक रेवती रमण पोखरेलले बजगाईले दिएको हुलिया अनुसार जिल्ला र छिमेकी जिल्लासंग समन्वय गरेर लुटेराहरुको खोजिकार्य भइरहेको बताए । भक्तपुरका कतिपय महत्वपूर्ण चोकहरुमा सिसि क्यामारा नहुदाँ अपराधी पहिचान गर्न समस्या हुने गरेको प्रहरीको भनाई रहेको छ ।
