काठमाडौं : भक्तपुरको मध्यपुर थिमी–२ सानोठिमीमा गएराति टिपरले ठक्कर दिँदा स्कुटी चालकको मृत्यु भएको छ। दुर्घटनामा काभ्रे रोशी गाउँपालिका– १० घर भई गठ्ठाघर बस्ने २३ वर्षको विशाल मैनालीको मृत्यु भएको हो। राति पौने ११ बजेतिर थिमीबाट सानोठिमीतर्फ जाँदै गरेको बा.४ ख. २३४७ नम्बरको टिपरले विपरीत दिशाबाट आउँदै गरेको बा.९२ प. ५५३१ नम्बरको स्कुटीलाई जनक शिक्षा सामग्री केन्द्र अगाडी सडकमा ठक्कर दिएको हो। दुर्घटनामा घाइते भएका मैनालीलाई गठ्ठाघरस्थित नागरिक अस्पताल लगिएको थियो। उपचारका क्रममा राति ११ बजेर २१ मिनेटमा उनको मृत्यु भएको जिल्ला प्रहरी परिसर भक्तपुरका सूचना अधिकार किशोर ढुंगानाले जानकारी दिए। स्कुटीलाई ठक्कर दिने टिपरका चालक ४२ सिुरेश तामाङलाई नियन्त्रणमा लिई घटनाबारे अनुसन्धान गरिरहेको ढुंगानाले बताए।
