–हेमराज ढकाल”सुमन”
बा लाठे र रोपार खोज्दै
घर-घर डुल्दै हुनुहुन्छ ।
छोराछोरी काम खोज्दै
देश विदेश डुल्दै छन्
वाह हाम्रो असार १५ !
बा मल र बीउ खोज्दै
पसल-पसल भौतारिदै हुनुहुन्छ ।
सरकार अनुदान र राहत भन्दै
भाषणमा फुक्दै छ
वाह हाम्रो असार १५ !
बा आफैमा आत्मनिर्भर बन्न
मेहनत र पसिना बगाउँदै हुनुहुन्छ ।
हामी मुखले देश बनाउछु भन्दै
फेसबुक र इन्स्टा चलाउदै बस्छौं
वाह हाम्रो असार १५ !
मण्डनदेउपुर काभ्रे, हाल भक्तपुर
