भक्तपुर । भक्तपुरमा दोस्रो बागमती प्रदेश खेलकुद–२०७९ प्रतियोगितामा भाग लिन जाने खेलाडीहरुको बिदाई गरिएको छ । शुक्रबार एक समारोहबीच भक्तपुर जिल्ला खेलकुद विकास समितिका अध्यक्ष दीपक थापाले विभिन्न खेलमा भाग लिन हेटौंडा जाने खेलाडीहरुलाई पोशाक सहित बिदाई गरेका हुन ।
‘प्रतियागिताबाट कराते, तेक्वाण्डो, एथलेष्टिक, बक्सिङ्, आईटी.एफ तेक्वाण्डो, उसु, जुडो, फुटबल, क्रिकेट, भलिबल, व्याडमिन्टन, पौडीलगायतका खेलका उत्कृष्ट खेलाडी छनौट गरिने छ,’ थापाले भने ।
जिल्ला खेलकुद विकास समितिका अध्यक्ष थापाले खेलाडीहरुलाई अनुशासनमा रहेर खेल खेल्दै भक्तपुरको नाम उच्च राख्न शुभकामना दिएका छन् । दोस्रो बागमती प्रदेश स्तरीय खेलकुद प्रतियोगिता -२०७९, जेठ ७-१३ गतेसम्म संचालक हुनेछ । विभिन्न १३ प्रकारका खेलमा भक्तपुरबाट पुरुष १४३, महिला खेलाडी १२१ र प्रशिक्षक १६ जना गरेर २९२ जना सहभागी हुने अध्यक्ष थापाले जानकारी दिएका छन ।
