भक्तपुर । नयाँवर्ष २०८० साल तथा भक्तपुरको प्रसिद्ध बिस्काः (बिस्केट) जात्राको अवसर पारेर ‘सातौं भक्तपुर औद्योगिक, साँस्कृतिक, पर्यटन तथा व्यापार महोत्सव–२०७९/८०’ जारी छ । औद्योगिक शान्ति नेपाल संस्था, मध्यपुर ब्वाईज व्याण्डकोे आयोजना र भक्तपुर जिल्ला खेलकुद विकाश समितिको सहयोगमा महोत्सव भइरहेको छ । भक्तपुरको अरनिको राजमार्गसंगै सल्लाघारीस्थित नेपाल ट्रष्टको नाममा जग्गामा जारी महोत्सवमा २ सय भन्दा बढी स्टल रहनका छन् । औद्योगिक शान्ति नेपाल संस्थाका अध्यक्ष सन्दिप महतका अनुसार यहाँ रहेका सम्पूर्ण स्टलहरुले करिब आजसम्म करिब २ करोड रुपैंया कारोवार गर्नेछन् ।
भोली शुक्रबार नेपालीहरुको नयाँ वर्षको दिन भक्तपुर महोत्सवमा सांगीतिक धमका हुने भएको छ । भोली १ गते मध्यपुर ब्वाइज ब्याण्ड, दी रोयल ब्याण्ड, शशी गुरुङ, बिसो आरके, सरिता भारती, लक्ष्मी मल्ल, प्रीति रिमाल, भिम बिस्ट, अनित बिस्ट, रमेश श्रेष्ठ, बिन्दास इन्द्र र सुमन कुमार श्रेष्ठको विशेष प्रस्तुति रहेने आयोजकले जानकारी दिएको छ ।
