काठमाडौँ । नेपाली बजारमा आज सुनको मूल्य घटेको छ । बुधबार तोलामा १ लाख ८ हजार ५०० रुपैयाँमा कारोबार भएको छापावाल सुन आज तीन सयले घटेर तोलामा १ लाख ८ हजार २०० रुपैयाँमा कारोबार भएको नेपाल सुनचाँदी व्यवसायी महासङ्घले जनाएको छ । यस्तै , तेजाबी सुन तोलामा १ लाख ७ हजार ७०० रुपैयाँमा कारोबार भएको महासङ्घले जनाएको छ । यस्तै चाँदीको मूल्यमा भने आज सामान्य वृद्धि भएको छ। बुधबार तोलामा १ हजार ३ सय ६५ रुपैयाँमा कारोबार भएको चाँदीको मूल्य बिहीबार भने १० रुपैयाँले बढेर तोलामा १ हजार ३सय ७५ रुपैयाँ पुगेको हो ।
