काठमाडौं । ऋतिक राना र निशन श्रेष्ठको जोडीले दोस्रो संस्करणको वीर गणेशमान सिंह राष्ट्रिय टेनिस प्रतियोगितामा उपाधि जितेको छ ।
सातदोबाटोस्थित टेनिस कोर्टमा सोमबार भएको फाइनलमा प्रदीप खड्का र प्रणव खनालको जोडीलाई ७–६ र ४–६ (१०–५) ले हराएर ऋतिक र निशनको जोडी च्याम्पियन बन्यो ।
३५ वर्षमाथिको पुरुष डबल्सतर्फको उपाधि कमल भण्डारी र यज्ञ भण्डारीको जोडीले जित्यो । फाइनलमा सन्तोष खत्री र सिमान्त गुरुङको जोडीलाई ६–१ र ६–३ले हराएर कमल र यज्ञको जोडीले उपाधि हात पारेको हो । यू–८ गल्र्सको उपाधि सारा पन्तले थिया श्रेष्ठलाई १०–२ र १०–५ ले पराजित गरिन् ।
