भक्तपुर । नेपाली कांग्रेस केन्द्रिय निर्माण व्यवसायी समन्वय विभाग सदस्य राम शरण देउजा नेकपा एमाले प्रवेश गरेका छन् । उनीसंगै राप्रपा जिल्ला सदस्य दिपक राना मगर, कांग्रेसका दामोदर भट्टराई, नानु नेपाली, नेकपा एसबाट अर्जुन बस्नेत, उध्दब चौलागाई लगायत २५ जना मंगलबार एमाले प्रवेश गरेका छन् । उनीहरुलाई एमालेका अध्यक्ष केपी शर्मा ओलीले खादा र माला लगाइ पार्टीमा स्वागत गरेका थिए । भक्तपुरमा कांग्रेस भित्रका प्रभावशाली व्यक्ति चुनावको मुखमै एमाले प्रवेश गरेपछि कांग्रेसलाई धक्का लागेको धेरैको भनाई छ ।
