नयाँ दिल्ली । आफ्ना कर्मचारीहरूको मानसिक स्वास्थ्यलाई प्राथमिकता दिनको लागि, ई–कमर्स प्लेटफर्म मिसोले लगातार दोस्रो वर्ष ११ दिने कम्पनीव्यापी ‘रिसेट एन्ड रिचार्ज ब्रेक’ घोषणा गरेको छ । कर्मचारीहरूलाई कामबाट पूर्ण रूपमा आराम दिन र उनीहरूको मानसिक स्वास्थ्यलाई प्राथमिकता दिन लामो बिदा दिइएइको कम्पनीले वेबसाइटमा जानकारी दिएको छ ।
कामको जीवन सन्तुलन राम्रो मानसिक स्वास्थ्यको लागि सर्वोपरि भएको कम्पनीका संस्थापक सञ्जीव बर्नवालले ट्वीट गरेका छन् । ‘ आगामी चाडपर्वको सिजन र कामको जीवन सन्तुलनको महत्वलाई ध्यानमा राख्दै हामीले लगातार दोस्रो वर्षको लागि ११ दिने कम्पनी–व्यापी ब्रेकको घोषणा गरेका छौं ! ’, बर्नवालले भनेका छन् । मिसोले कार्यलयका कर्मचारीलाई यसअघि पनि विभिन्न अवसरमा लामो बिदा दिने घोषणा गरेको थियो । -एजेन्सी
