ज्याकलिनसँग काम गरिसकेका निर्माताहरू अहिले उनीबाट विस्तारै टाढिँदै गएका छन् । ‘इडीले उनलाई आरोपी बनाएपछि उनले काम पनि विस्तारै गुमाउँदै गएकी छन् । ‘विक्रान्त रोना’ र ‘बच्चन पाण्डे’ उनको पुरानो प्रोजेक्ट हो ।
विवादमा मुछिएको र उनको मुद्दाको छिनोफानो नहुञ्जेलसम्म कोही पनि नयाँ निर्माता उनीसँग काम गर्ने सोचमा छैनन्’, एक निर्माताले भनेका छन् ।आरोपीका रूपमा चार्जसिट दर्ता हुने भएपछि उनको पक्राउको सम्भावना पनि उत्तिकै बढेको छ । ती निर्माताका अनुसार अहिलेको अवस्था हेर्दा ज्याकलिन पुरानै अवस्थामा फर्कने सम्भावना अत्यन्त कम छ ।‘यो साँच्चै दुःखको कुरा हो । उनी धेरै राम्री केटी हुन् । उनी के कारणले आफू फस्दैछिन् भन्ने पनि राम्ररी थाहा पाउन सकेकी छैनन्’, ज्याकलिनको महिला सहकर्मीले भनेकी छन्, ‘अहिलेको अवस्थामा ज्याकलिनलाई सान्त्वना दिनकै लागि भेट्न पनि असम्भव छ ।’
