फागुन ८,
भक्तपुर । सूर्यविनायक नगर अस्पताल संचालनमा आएको छ । भक्तपुर इँटा टायल कारखानासंग लिएको २५ रोपनी जग्गामा निर्मित नगर अस्पतालमा आईसीयू, एचडीयू, इमजरजेन्सी सेवा, ओपिडी, जनरल वार्ड, एक्सरेलगायतको सेवा रहेको नगरप्रमुख बासुदेव थापाले जानकारी दिएका छन् । अरनिरको राजमार्ग संगै जगातीमा रहेको नगर अस्पताल अक्सिजन प्लान्टसहितको संचालनमा आएको हो ।
सांसद महेश बस्नेतको सांसद विकास कोष, बस्नेतकै पहलमा केन्द्रीय सरकारबाट आएको ७५ लाख र बाँकी सूर्यविनायक नगरपालिकाको बजेट गरी करिब रु आठ करोडको लागतमा अस्पताल सञ्चालनमा आएको हो । नगरपालिकाले अस्पताल सञ्चालनकोलागि टेकु अस्पतालबाट अवकाशप्राप्त विशेषज्ञ डा.सागर राजभण्डारीलाई अस्पतालको निर्देशक बनाएको छ । अस्पतालको उद्घाटन नेकपा एमालेका अध्यक्ष केपी शर्मा ओलीले गरेका थिए ।
