काठमाडौं महानगरपालिका वडा नम्बर २९ का वडाअध्यक्ष कुश ढकाल यसो भन्नुहुन्छः
यो वडामा सिंहदरबार, अनामनगर, डिल्लीबजार, मैतीदेवी, सेतो पुल, धोवीखोलालगायतका स्थान पर्दछन् । करिब ३० हजार जनंख्याको बसोबास भएपनि बसाईसरेर अन्यत्र जानेका कारण संख्यामा कमि हुन सक्छ । म निर्वाचत भएर आएपछि मेरो पहिलो उद्देश्य भनेको नै वडालाई हिलो, धुलो मुक्त गर्दै उज्यालो वडा बनाउने हो । यो काममा केही हदसम्म हामी सफल भएका छौं । मानिस हिड्नेस्थानमा हिलो नहोस भन्ने मेरो चाहाना छ । पिच राम्रो होस् भन्ने छ । भूगोलको हिसावले सानो भएपनि साँघुरा गल्ली, साना सडकले गर्दा समस्या हुने गरेको छ । करको दायरमा सबै मानिस आउदैंन् ।
वडाअध्यक्ष कुश ढकाल यसो भन्नुहुन्छः
हामीले तिरकको कर सदुपयोग हुदैंन् भन्ने भ्रम छ । विदेश जाने, घरजग्गा बिक्रि गर्ने र बैंकबाट ऋण लिने कामका लागि मात्र मानिस वडामा आएर कर तिर्दछन् । वीर गणेशमान सिंह जेष्ठ नागरिक भवन निर्माणको क्रममा रहेको छ । त्यसका लागि सांसद प्रकाशमान सिहले ७२ लाख रुपैँया सांसद विकाश कोषबाट प्रदान गर्नु भएको छ । हाम्रो वडा कार्यालय भवन बन्ने क्रममा छ । अनामनगरमा निर्माण हुने भवनको टेण्डर प्रक्रिया सुरु हुदैंछ । यो वर्ष हामी अघिल्लो वर्ष बाकीँ रहेका काम गछौं । ढलान गर्ने, ढलहरु बिग्रीएको बनाउने, सडकबत्ति राख्ने काम गछौं ।
संघीयता लागू हुन सकेन्
वडाबाट करिब १९ करोड राजश्व उठाएर महानगरपालिका पठाउछौं । तर उताबाट हामीलाई २ करोडमात्र आउछ । वडामा उठाएको ५० प्रतिशत रकम हामी बिकाश निर्माणमा खर्च गर्न पाए राम्रो हुने थियो । यस्ता कारणले गर्दा जनताले सोचेजस्तो काम हामी गर्न सकिरहेका छैनौं । पटक पटक यो कुरा महानगरमा राख्दा सुनुवाई भएन् । काठमाडौं महानगरले जनताको आशा पुरा गर्न सकेन् ।
समन्वय भएन्
विकाश निर्माणका काम गर्ने निकायबीच समन्वय भएन् । सिहंदरवारको सबै काम वडामा भने पनि सरकारी निकायले समन्वय गर्न आउदैंनन् । खानेपानी, विद्युत प्राद्यिकरण, टेलिकमले वडासंग सहकार्य गर्नु पर्ने गर्दनन् । कि त सबै अधिकार वडामा दिनु पर्ने तर कामका लागि उनीहरुलाई पटक पटक फोन गर्दा पनि काम गर्दैनन् ।
सरसफाईमा युवा विद्यार्थी परिचालन गरौं
मुलुकमा रहेको बेरोजगारी समस्या समाधानकालागि शैक्षिक बेरोजगारलाई घण्टाको हिसाबमा काम दिने हो भने सरसफाई पनि हुन्छ । अर्का तीर बेरोजगार समस्या पनि समाधान हुन्छ ।
आफ्नो वडा आफै बनाउने हो
वडाका बासिन्दाहरुमा वडा बनाउनु पर्दछ भन्ने भावना हुनु पर्दछ । सक्नेहरु कसरी अमेरिका, युरोप, अष्टेलिया, जापान जाने भनेर लाग्ने र नसक्नेहरु खाडी जाने भनेर लागेपछि कसरी वडा विकाश हुन्छ ? त्यसलै आफ्नो वडा बनाउन आफैं लाग्नुको विकल्प छैन् । –(कुराकानीमा आधारित)
