एजेन्सी, असार ९,
काठमाडौँ । नेपाली चेली प्रतिष्ठा ‘तृष’ राउत बेलायतको सौन्दर्य प्रतियोगिता ‘मिस इङल्याण्ड’ को फाइनलमा प्रवेश गरेकी छिन् । बेलायत अल्डरसट निवासी २६ वर्षीया प्रतिष्ठा सेमिफाइनलबाट अन्तिम प्रतिस्पर्धाका लागि ४० मध्ये बाट छानिएकी हुन् । उनी फोटो हिट चरण पार गरेर सेमिफाइनल पुगेकी थिइन् ।
प्रतिस्पर्धामा भाग लिन करिरब २० हजारले आवेदन दिएका थिए । सेमिफाइनलमा इको ड्रेस राउण्ड, लिटल ब्ल्याक ड्रेस राउण्ड र ब्यूटि सवथ पर्पोज गरि तीन राउण्ड भएको थियो । पब्लिक भोटले उनलाई पब्लिसिटी क्वीन उपाधि दिलाएको छ । मिस इङ्ल्याण्डको ग्रान्ड फिनाले ३१ जुलाई र १ अगस्टमा हुने प्रतिष्ठाको इन्स्टाग्राम पेजमा बताइएको छ । उनको परिचय भिडियो युट्युबमा चार दिनअघि सार्वजनिक गरिएको छ ।
