जेठ ३१,
काठमाठडौँ । मेकअप
-गर्मी मौसममा ‘वाटरप्रुफ मेकअप’ गर्न आवश्यक छ । पानी र पसिनाका कारण नबिग्रिने किसिमले मेकअप गर्नुपर्छ । यसका लागि गाजल र मस्काराजस्ता मेकअपका सामान ‘वाटरपु्रफ’ प्रयोग गर्नुपर्छ ।
-बाहिर हिँड्दा वा मेकअप गर्नुभन्दा अगाडि सनब्लक प्रयोग गर्नुपर्छ । त्यस्तै, घामबाट बच्न मोस्चराइजरको प्रयोग पनि गर्न सकिन्छ ।
-लसकभर ‘हेभी मेकअप’ गर्नुहुँदैन । गर्मीमा पसिनाका कारण झन् धब्बा देखिने हुन सक्छ । जस्तै, आँखामा गाजलको सट्टा हल्का आइस्याडो, वाटरप्रुफ वा म्याट मस्कारा लगाउन सकिन्छ ।
हेयर स्टाइल
-गर्मीको मौसममा लामो कपाल पाल्दा झन्झटिलो हुन सक्छ । लामो समयसम्म बाँधेर हिँड्नुपर्ने भएकाले टुक्रिने डर हुन्छ । त्यसैले, लामो कपाल हुनेले बाहिर हिँड्दा हलुकासँग बाँध्ने र घरमा रहँदा खुल्लै छाड्ने गर्दा राम्रो हुन्छ ।
-गर्मी याममा हावा चल्ने र धुवाँ–धुलो उड्ने भएकाले कपाल सुक्खा वा फुस्रो देखिन्छ । यसर्थ, स्टाइलिस कपाल रुचाउनेले छोटो कपाल अर्थात् ‘समर कट’ गर्दा बेस हुन्छ । यसले व्यवस्थापनमा सहजतासँगै फेसनेबल देखाउनसमेत मद्दत गर्छ ।
पहिरन
-गर्मीमा धेरै पसिना आउने हुन्छ । त्यसैले, पोलिस्टरको कपडा लगाउनुहुँदैन । यसो गर्दा, पसिनाको दुष्प्रभावबाट केही हदसम्म बच्न सकिन्छ । बरु, सुतीको कपडा लगाएमा उत्तम हुन्छ ।
-‘स्टाइलिस’ देखिने नाममा टाइट लुगा लगाउनुहुँदैन । यतिवेला खुला पहिरन लगाँउदा सजिलो हुनुका साथै गर्मीबाटसमेत बच्न सघाउ पुग्छ ।
-लरंगीन कपडा लगाउनुहुँदैन । जस्तै, एकदमै रातो र कालो रङको कपडाले झनै बढी गर्मी हुन्छ । बरु, सेतो, हलुका नीलो, पिंक कपडाले ‘कुल’ देखाउन मद्दत गर्छ ।
-घाममा हिँड्दा छाला डढ्ने भएकाले लामो बाहुला भएका हलुका लुगा लगाउनु ठीक हुन्छ । यस्ता लुगाले ‘ट्रेन्डी’समेत देखिन्छ ।
