बैशाख २३,
काठमाडौं । असार २० गतेलाई प्रदर्शन मिति तय गर्दै फिल्म ‘सानो मन’ को पहिलो गीत सार्वजनिक गरिएको छ । आइतबार काठमाण्डौंमा एक कार्यक्रम आयोजना गर्दै ‘रानु कम्मर’ बोलको गीतको सार्वजनिक गरिएको हो । साजन सिंहको कोरियोग्राफीमा आयुष्मान देशराज जोशी र शिल्पा मास्केले कम्मर मर्काएका छन् । गीतमा रोमन बज्राचार्य र सिमा राईको स्वर रहेको छ । रवी मल्ल र गायक बज्राचार्यको शब्द रहेको गीतमा कल्याण सिंह र रोमन बज्रचार्यको संगीत रहेको रहेको छ । फिल्ममा आयुष्मान र शिल्पासँगै गौरी मल्ल, विशाल पहारी, शिशिर वाङदेल, रश्मी भट्ट, सक्षम कृष्ण सुवेदी, कृष्ण भक्त महर्जन, लक्ष्मी भुषाल लगायत कलाकारको अभिनय रहेको छ । यो फिल्मलाई सुयोग गुरुङले गरेका हुन् । यसै फिल्मबाट गुरुङले निर्देशनमा डेब्यू गरेका छन् ।
