बैशाख १२
काठमाडौँ । अजोड इन्स्योरेन्स कम्पनीले नेपालगञ्ज शाखा कार्यालयको उद्धघाटन गरेको छ । नेपालगन्ज उपमहानगरपालिकाका मेयर धवल शमशेर राणा र अजोड इन्स्योरेन्स लि. का संचालक सागर गुरुङ्गले संयुक्त रुपमा नेपालगञ्ज शाखा कार्यालयको उद्धघाटन गरेका छन् । कार्यक्रममा बोल्दै मेयर धवल शमशेर राणाले अजोड इन्स्योरेन्सको शाखा विस्तार भएकोमा खुसि व्यक्त गरे । कम्पनीलाई आवश्यक परेको बेला उपमहानगरपालिकाले साथ र सहयोग दिने बताए ।
अजोड इन्स्योरेन्स लि. का संचालक सागर गुरुङ्गले नेपाली बीमा बजारमा बढ्दो बीमाको आवश्यकता लाई परिपूर्ति गर्ने उद्देश्यले कम्पनी स्थापना भएको बताए । कम्पनीको उद्देश्य परिपूर्ति गर्नका लागि देशको विभिन्न ठाउँहरुमा शाखा कार्यालय खोल्ने क्रममा नेपालगञ्जमा शाखा विस्तार गरिएको छ । यँहाका जनताहरुको जोखिम बहन गरि सेवा प्रदान गर्ने उद्देश्यले यो शाखा विस्तार गर्न पाउँदा खुसि रहेको बताए । अरु निर्जीवन बीमा कम्पनीको तुलनामा अजोड इन्स्योरेन्स कम्पनीले दाबी भुक्तानी लगाएत अन्य सेवाहरुमा अगाडि रहेको बताए ।
कार्यक्रममा बोल्दै नेपालगन्ज उधोग बाणिज्य संघका अध्यक्ष नन्दलाल बैश्यले आजको समयमा इन्स्योरेन्स आवश्यकताको वस्तु भै सकेको छ । तर आज पनि सबैमा यस बारे ज्ञान नै नरहेको बताए । गाउँ गाउँमा यस कम्पनीको शाखाकार्यालय पुर्याएर सबैमा बीमा सचेतना फैलायोस् भन्ने शुभकामना दिए । कम्पनीलाई आवश्यक परेको खण्डमा जति वेला पनि पनि उधोग वाणिज्य संघले साथ दिने प्रतिवद्धता व्यक्त गरे ।
महेन्द्र बहुमुखि क्याम्पस प्रमुख गणेश कुमार रेग्मिले नेपालगञ्जमा यो कम्पनीको शाखा आएकोमा बधाई तथा शुभकामना व्यक्त गरे । इन्स्योरेन्सको क्षेत्रमा यो कम्पनीले नयाँ पाइला चाल्न सकोस, नयाँ योगदान दिन सकोस् उनले बताए । सहायक महाप्रबन्धक निर्मल कुमार अर्यालले कम्पनिका बारेमा जानकारी दिए । कार्यक्रममा शाखा प्रमुख रमेशराज शर्माले स्वागत मन्तव्य राखेका थिए । भने योगेन्द्र कार्कीले कार्यक्रम सञ्चालन गरेका थिए ।
