चैत १९
धनगढी सुदूरपश्चिम प्रदेश सरकारले पनि हावाहुरी पीडितलाई एक करोड राहत दिने निर्णय गरेको छ । पर्सा र बारामा ज्यान गुमाएका परिवार, घाइते र विस्थापित परिवारलाई एक करोड राहत दिने निर्णय गरेको हो । यसअघि प्रदेश–३ सरकारले पनि पिडितलाई एक करोड र सांसदको एक दिनको तलब दिने निर्णय गरेको थियो । मंगलबार बसेको मन्त्रिपरिषद्को बैठकले उक्त निर्णय गरेको सरकारका प्रवक्ता तथा आन्तरिक मामिला तथा कानुनमन्त्री प्रकाशबहादुर शाहले पत्रकार सम्मेलनमा जानकारी दिनुभयो । मन्त्री शाहले प्रदेश २ सरकारको राहत कोषमा उक्त रकम पठाउने बताउनु भयो ।
यस्तै मन्त्रिपरिषद्को बैठकले हावाहुरीका कारण प्रदेश २ मा भएको क्षति र घटनाप्रति दुःखसमेत व्यक्त गरेको छ।
